楊受成鬧劉浩龍
楊受成鬧劉浩龍 ! 試問一隻會生金蛋的女星，與人家拍拖，作為老闆，一定好嬲。師兄與祖兒戀情曝光，作為英皇老闆，一定反對女藝人拍拖，所以出口話師兄的行為是笨拙，言語間，又懷疑有人此舉另有目的。
圖: 楊受成鬧劉浩龍 (自appledaily.com.hk)
質疑爆戀情居心叵測
楊受成鬧劉浩龍笨
(轉) 祖師戀曝光未及一周，男女主角劉浩龍（師兄）和容祖兒先後表態，直認戀情，雖愛得火熱，但祖兒伯樂、英皇老闆楊受成昨日首開腔談愛將戀事，不但沒送祝福，還嘲師兄過早張揚戀事的行為鹵莽兼笨拙，言語間又懷疑有人此舉暗藏機心。劉浩龍成功媾掂容祖兒，轟動全城，身為英皇金蛋的祖兒脫離剩女行列，卻未獲老闆楊受成祝福，楊受成昨日揶揄師兄過早張揚祖師戀太笨，看來這段情將凍過水。
祖兒昨午返灣仔英皇開會，卻未見熱戀中應有的甜蜜笑容，反而殘爆現身，問她昨晚可有睡覺？她說：「有。」可有與師兄通電，祖兒未有回答。祖兒現身不久，見老闆楊受成離開公司，問他是否贊成愛將祖兒拍拖？他先說：「佢鍾意我就鍾意。」但對二人合襯與否卻沒表態，之後他便上車離開。
「係咪真心鍾意佢」
大約4時多，楊受成折返公司，他提早在大廈側門落車，在街頭企足15分鐘做埋下半場訪問，對於祖師戀，他再說：「最緊要祖兒開唔開心，對方係咪真心鍾意佢，我哋都開心，錫佢嘅人開心，佢啲歌迷都開心，希望對方錫佢係冇其他目的。」言語間似暗寸有人公開戀情是攻心計。楊受成似很擔心祖兒，他說：「我哋咁錫佢，梗係擔心佢，希望祖兒揀到佢真正伴侶，錫佢嘅人。」可覺他們的知名度在不同層次？楊受成說：「感情唔係分等級同財富，唔好用呢啲嘢比較。」
祖師戀存在着女尊男卑，師兄在圈中半紅不黑，楊受成直言：「我唔識佢，我同佢也冇交往過。」記者指往後有機會常見祖兒男友師兄，楊受成說：「唔知，呢個睇祖兒。」楊受成身為祖兒老闆，他卻表示現在不會過問她的戀情，他說：「我邊有資格講，你老闆可唔可以令你鍾意乜嘢同乜嘢。講真如果10年前我會畀意見，今日唔會，佢咁大個女。」可會送上祝福？他說：「我哋希望佢開心，搵到佢鍾意嘅嘢，對方真心愛佢，唔係有其他目的。」
楊受成始終對師兄搶先爆戀情有微言，他狠批說：「對方好笨，咁早件事未穩健，感情未成熟就講出嚟。」可覺師兄博宣傳？楊受成質疑說：「佢有乜嘢目的，我唔敢講。」祖師戀是否太高調，他說：「如果佢珍惜，家開始階段唔應咁早講，我覺得有少少鹵莽。
引自︰質疑爆戀情居心叵測 楊受成鬧劉浩龍笨
http://hk.apple.nextmedia.com/entertainment/art/20120627/16462221
No comments:
Post a Comment